Мукоплант жолжелкен қосылған жөтелге қарсы шәрбат

- қақырығы қиын бөлінетін жөтелмен қатар жүретін тыныс жолдарының қабыну ауруларында (кешенді ем құрамында).

Қолдануға болмайтын жағдайлар

- препарат компоненттеріне (оның ішінде ара шаруашылығы өнімдеріне) немесе қосымша заттардың кез келгеніне жекелей жоғары сезімталдық

- 1 жасқа дейінгі балалар

- сахараза/изомальтаза тапшылығы, фруктоза көтере алмаушылығы, глюкоза-галактоза мальабсорбциясы

15.0 мл ересектер дозасын қолданған кезде

• 18 жасқа дейінгі балалар мен жасөспірімдер
• эпилепсиядан зардап шегетін адамдар
• жүктілік және лактация кезеңі
• бауыр аурулары бар науқастар
• алкоголизммен зардап шегетін адамдар

Қолдану кезіндегі қажетті сақтық шаралары

Бұл дәрілік препараттың құрамында әрбір мл-де 13 мг спирт (этанол) бар, бұл 10.5 мг/г-ға баламалы. Дәрілік препараттың 15 мл мөлшері 6 мл сырадан немесе 3 мл шараптан аз мөлшерге баламалы. Осы дәрілік препарат құрамындағы аз мөлшердегі спирт көлемі қандай да бір айқын әсер көрсетпейді.

Бұл дәрілік препараттың құрамында глюкоза, фруктоза және сахароза бар. Доза (15 мл) құрамында 2.8 г глюкоза, 2.7 г фруктоза және 4.3 г сахароза бар. Мұны қант диабеті бар пациенттер ескеруі тиіс. Егер сіздің дәрігеріңіз сізде (немесе сіздің балаңызда) кейбір қанттарды көтере алмаушылық бар екендігін айтса, немесе сирек тұқым қуалайтын фруктоза көтере алмаушылығы (HFI), сирек генетикалық ауру, организмнің фруктозаны ыдырата алмау жағдайы диагностикаланған болса, сізге осы препаратты қабылдамас бұрын өз дәрігеріңізбен сөйлесіңіз.

Басқа дәрілік препараттармен өзара әрекеттесуі

Жөтелге қарсы препараттармен және сұйылтылған қақырықтың жөтелмен шығуын қиындататындықтан қақырық түзілуін азайтатын дәрілік заттармен бір мезгілде қолданбаған жөн.

Арнайы ескертулер

Жүктілік немесе лактация кезінде

Жүктілік және бала емізу кезіндегі қауіпсіздігі анықталмаған. Препаратты жүктілік және бала емізу кезінде қолдану туралы жеткілікті деректер болмаған жағдайда қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат жоғары зейін қоюды және психомоторлық реакциялар жылдамдығын қажет ететін қауіптілігі зор қызмет түрлерін (оның ішінде көлік құралдарын жүргізу, қозғалатын механизмдермен жұмыс істеу) атқару қабілетіне әсер етпейді.

Дозалау режимі

Ішке, судың аздаған мөлшерімен іше отырып:

- 1 жастан 6 жасқа дейінгі балаларға әр 3-4 сағат сайын 2.5 мл-ден, бірақ тәулігіне 4 реттен асырмай қабылдау керек;

- 6 жастан асқан балалар және жасөспірімдерге - әр 2-3 сағат сайын 5 мл-ден, бірақ тәулігіне 4 реттен асырмай;

- ересектерге әр 2-3 сағат сайын 15 мл-ден.

Дұрыс дозалау үшін қоса берілген өлшеуіш стақанды пайдалану керек.

Қолдану ұзақтығы:

Егер симптомдар дәрілік затты қолдану аясында 1 аптадан ұзақ сақталса, дәрігермен немесе білікті фармацевтпен кеңесу керек.

Енгізу әдісі мен жолы

Пероральді.

Артық дозаланғанда қабылдануы қажет шаралар

• Артық дозалану жағдайлары туралы хабарланбаған.
• Егер сіз препаратты ұсынылғаннан артық дозада қабылдасаңыз, өзіңіздің дәрігеріңізбен немесе фармацевтпен кеңесіңіз.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Дәрілік препаратты қабылдамас бұрын кеңес алу үшін дәрігерге немесе фармацевтке жүгініңіз.

• Жиі емес

- диарея

• Өте сирек
• - терінің аллергиялық реакциясы

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Дәрілік препараттың құрамы

100 г препараттың құрамында

белсенді зат - қандауыр тәрізді жолжелкен сұйық экстрактісі (1 : 1) спиртті (20% (м\м))1 - 5.00 г,

қосымша заттар: қант қызылшасы шәрбаты, инвертті қанттан алынған шәрбат, тазартылған су, бал, калий сорбаты, бұрыш жалбызы майы.

1 – Соңғы өнім құрамында 1 % жуық этанол (м/м) бар, 1 : 20 спирт экстрактісін 20 % (м/м) сұйылту есебінен

Сыртқы түрінің, иісінің, дәмінің сипаттамасы

Хош иісті және өзіне тән тәтті дәмі бар күңгірт-қоңыр түсті тұтқыр сұйықтық.

Шығарылу түрі және қаптамасы

100 мл немесе 250 мл препараттан бұрандалы пластик қақпағы бар қоңыр шыныдан жасалған шыны құтыларға құйылған.

1 құты (2.5 мл, 5 мл, 10 мл, 15 мл) шкаласы бар өлшеуіш стақанымен және медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

Сақтау мерзімі

3 жыл

Құтыны алғаш ашқаннан кейін 3 айдан артық емес.

Жарамдылық мерзімі өткеннен кейін қолдануға болмайды.

Сақтау шарттары

Қақпақпен тығыз жабылған қаптамада 25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Др. Тайсс Натурварен ГмбХ

Михелинштрассе 10, 66424 Хомбург, Германия

Тел./факс: + 49-6841-709-0/ + 49-6841-709-265

Электронды пошта: info@naturwaren-theiss.de

Др. Тайсс Натурварен ГмбХ

Михелинштрассе 10, 66424 Хомбург, Германия

Тел./факс: + 49-6841-709-0/ + 49-6841-709-265

Электронды пошта: info@naturwaren-theiss.de

«Натусана» ЖШС, Қазақстан Республикасы

050046, Алматы қ., Ислам Каримов көш., 198А

Тел./факс: 8 (727) 268-31-66

Электрондық пошта: info@drtheiss.kz