Сипаттама
Құрамы: белсенді зат - ксилометазолин гидрохлориді 0.0100 г, қосымша заттар: бензалконий хлоридінің 50 % ерітіндісі, динатрий фосфаты додекагидраты, калий дигидрофосфаты, натрий хлориді, тазартылған су
Фармакологиялық қасиеттері
Фармакокинетикасы
Жергілікті қолданғанда препарат іс жүзінде сіңірілмейді, сондықтан оның қан плазмасындағы концентрациясы өте аз және хроматографиялық әдістермен анықталмайды.
Фармакодинамикасы: Ксилометазолин альфа-адреномиметикалық белсенділігі бар жергілікті тамыр тарылтатын заттар (деконгестанттар) тобына жатады, мұрынның шырышты қабығының қан тамырларын тарылтады, осылайша мұрынның шырышты қабығының ісінуі мен гиперемиясын жояды, мұрын жолдарының өткізгіштігін қалпына келтіреді, мұрынмен тыныс алуды жеңілдетеді.
Препараттың әсері қолданғаннан кейін бірнеше минуттан соң басталады және бірнеше сағат бойы сақталады.
Қолдануға көрсетілімдер: Суық тиюмен, аллергиялық ринитпен (оның ішінде шөп безгегімен), синуситпен байланысты мұрынның бітелуін жеңілдету үшін.
Жанама әсерлері: Төменде келтірілген ықтимал жанама әсерлердің жиілігі былайша анықталады:
Жиі (> 1/100-ден <1/10-ға дейін):
- мұрынның шырышты қабығының ашып-күйуі және құрғауы, түшкіру
Жиі емес (> 1/1000-нан <1/100-ге дейін):
- әсері басылғаннан кейін шырышты қабықтың күшейген ісінуі, мұрыннан қан кету
- аллергиялық реакциялар (Квинке ісінуі, терінің бөртуі, қышыну)
Сирек (> 1/10 000-нан <1/1000-ға дейін):
- жүректің қатты соғуы, тахикардия, гипертония
Өте сирек (<1/10000):
- мазасыздық, ұйқысыздық, шаршағыштық (ұйқышылдық, седация), бас ауыруы, галлюцинациялар (негізінен балаларда)
- жүрек-қантамыр аурулары
- аритмия
- конвульсиялар (атап айтқанда, балаларда)
- бронх түйілуі
Қарсы көрсетілімдер
- ксилометазолинге немесе препараттың кез келген басқа компонентіне жоғары сезімталдық
- артериялық гипертензия
- тахикардия
- айқын атеросклероз
- глаукома
- атрофиялық ринит
- гипертиреоз
- транссфеноидальды гипосектомиядан кейінгі жағдайлар немесе ми қабықтарына жасалған хирургиялық араласулар
- ми қабықтарына жасалған хирургиялық араласулар (анамнезде)
- 12 жасқа дейінгі балалар жасы
- жүктілік және лактация кезеңі
Сақтықпен – қант диабеті кезінде.
Дәрілік өзара әрекеттесулер: Доктор Тайсс Ринотайсс препаратын МАО (моноаминооксидаза) тежегіштерімен немесе трициклді антидепрессанттармен бір мезгілде қолданғанда жүйелі әсері күшеюі мүмкін.
Ерекше нұсқаулар
Доктор Тайсс Ринотайсс препаратын қолдану қаупін мұқият бағалағаннан кейін ғана қолдануға болады:
– моноаминооксидаза тежегіштерімен (MAO-тежегіштерімен) және қан қысымын арттыруы мүмкін басқа дәрілік препараттармен ем қабылдап жүрген пациенттерде
– көзішілік қысым жоғарылағанда, атап айтқанда, жабық бұрышты глаукома кезінде
– қан айналымының бұзылуымен байланысты ауыр жүрек аурулары кезінде (мысалы, жүректің коронарлық ауруы, гипертония)
– феохромоцитома кезінде
– зат алмасу бұзылулары кезінде (мысалы, гипертиреоз, қант диабеті)
– порфирия кезінде
– простата гиперплазиясы кезінде.
Атап айтқанда, ісінуге қарсы ринологиялық препараттарды ұзақ қолданғанда және дозаны асырғанда олардың әсері әлсіреуі мүмкін. Ринологиялық препараттардың мұрынның шырышты қабығына шамадан тыс әсер етуінің салдарынан мыналар байқалуы мүмкін:
– мұрынның шырышты қабығының реактивті гиперемиясы (дәрілік ринит)
– шырышты қабықтың атрофиясы.
Мұрынмен тыныс алудың кем дегенде бір бөлігін сақтау үшін симпатомиметикалық затты алдымен бір танау үшін тоқтатып, симптомдар басылғаннан кейін екінші жағынан тоқтату керек.
Ескерту: Доктор Тайсс Ринотайсс препаратының құрамына бензалконий хлориді кіреді. Препаратты ұзақ қолданғанда мұрынның шырышты қабығының ісінуін тудыруы мүмкін. Мұндай реакцияға күдік болса (мұрынның ұзақ бітелуі), – мүмкіндік болса – құрамында консерванттар жоқ мұрыннан су ағуға қарсы дәрілік затты қолдану қажет.
QT аралығының ұзару синдромы бар, ксилометазолин қабылдайтын пациенттерде ауыр қарыншалық аритмиялардың даму қаупі жоғары болуы мүмкін.
Дәрілік заттың көлік құралын немесе әлеуетті қауіпті механизмдерді басқару қабілетіне әсер ету ерекшеліктері
Ксилометазолин асырылған дозаларда көлік құралын немесе жабдықты басқару қабілетіне әсер етпейді. Жанама әсерлерін ескере отырып, көлікті немесе әлеуетті қауіпті механизмдерді басқарғанда сақ болу керек.
Шығарылу түрі және қаптамасы: Құтыларда 10 мл-ден